財政預算案

至曾俊華先生︰

我真係唔係好明白。曾生你呢份報告，點可以叫財政預算案。

你明唔明呀曾生，我唔係要知你08年做左d咩應該策略抗擊金融危機。我要知道既係你09年會做D咩抗擊海嘯，點樣做。唔係咩叫預算案呀？全世界都知呢場風暴仲未完，你都知會有負增長，咁到底政府會做d咩先？係，關顧社羣係好，但係政府d錢係點黎既？你唔關顧下交錢俾你果d，遲下點關顧社羣？幾千蚊稅，是治標不治本的。老老實實，增加基建加強與內地合作年年都講，最後咪年年都係差唔多。最好笑係都工業邨，為左基建而基建，乜我地真係用得著咩？你地d老人家，成日都話攪創意工業，創意經濟。創意wo，乜你地有咩？你睇下你份報告啦，創意，晒鬼氣。

曾生，我唔期望你係Obama，會用幾千億救我地。但請告訴我們，你們和我們是真的可以共渡難關的。而不是，我們是真的可以渡過難關的，但你們由頭到尾都袋緊幾百萬一年。

小市民
米極

笑

聽到有人扮英文勁，講he is no value， he is zero。
好好笑，要記低佢。
都唔好話外國人唔會咁講。
grammar 都錯。
大學生囉。

又去台灣 Day4

第四日就去左台北微風車站食牛肉麵做早點

上去見到熊貓，好可愛


食左呢間牛肉麵，唔夠老董好食。
圖2係牛肉蝦丸。

然後去左行街，買左Miss Sunshine 既公仔。
發現台灣幾hit little mr. men，因為之後行地下街都買左支Mr. Happy 既筆。

跟住見到團團圓圓，好似比安安佳佳cute d。
之後又再去左西門拎衫，I got it,finally。
然後就出發去機場。食左個魯肉飯同小籠包。


之後就上機了。

飛機上，個天勁靚。
可惜，長榮真係好難食，好難食。
然後，旅程就左。
day 4 全部相都係Wendy既。


今次要好多謝Wendy，忍左我咁多日。
我成日訓左都講野，又病左，個人又冇耐性，又易累。
多謝Wendy=3=。

又去台灣 Day3

Day 3 主是要shopping

早上去了西門買手信順便拎graniph tee(之前買了沒有size)
點知graniph開一點，激死，不過再激D都仲有
下午想約了Winnie食飯，估不到要去到台灣先同到佢食飯。
去了 燒霸 食日式燒肉 + 打邊爐，真係一次過滿足晒2個願望XD



間野好似都係出名既，如果夜晚要等好耐
都幾平，日間$399TWD 晚上$439TWD 加一服務費，香港當然唔會有呢個價。
呢個價位黎講，我覺得幾抵食，至少Haagen-Dazs任食，而且日式燒肉真係好難難食。

資料如下
地址：台北市敦化南路一段160巷53號
電話：02-27116120
營業時間：12:00 ~24:00

不過其實真係好難搵，唔係本地人好難識去。

食完之後，Winnie 同佢男朋友就送我地去信義誠品。
經過國父紀念館，點知人地咁岩降旗禮，要全體肅立。
咁我地又見旁邊d人真係肅立，咁我地咪肅立囉。但係我地個位，係睇唔到個 降旗禮 既，十分odd。

原本個誠品plan呢，係有101既。但係最後都冇去到。
反正都係shopping，IFC Mall 仲多野行仲多野食。
但係點解取消呢，原因如下：

在誠品買得太多，行唔郁。

最後，我地又出左西門拎衫，點知佢送少左一件。
妖，咁你寫張單做咩。唔係用黎睇既。佢識聽廣東話我一定大叫你老味。

最最後，又買左mister Donut 同可樂餅當晚餐。
中午太full，不太吃得下。
是日除左書果張相外，其他相是wendy的。

又去台灣 Day2

華華的隔音好差哦。隔離是不停沖涼和去洗手間。妖。
早上都不想起身，又沒有胃口，於是在便利店完成了。

有飯團和關東煮，圖又是Wendy的，那隻手是我的。

然後出發去淡水。食阿給，估唔到今日淡水都勁多人。以為D人擒日去晒。

仲食左魚蛋。

再食Mister Donut。張相是wen的，個身係我的。


今日他們仲有一個傳統活動，不知稱作甚麼。
一族人每人抱一個彿在淡水街頭走。
帶頭的人還要放鞭炮，而且還有黑色的狗在鞭炮旁跑。
保育人士一定發癲。
太驚，只影到以上一張，仲有些煙。

然後去台北故事館，美其名是參觀，其實係想食佢個英式High Tea。
捷運上我們訓到死左。
路過呢個公園，影左張相扮去過，人地果到可以放風箏。





又路過藝術館，好喜歡那幾個裝置藝術。





終於去到台北故事館，只有二座英式建築物。一座是故事館，一座是茶座。

故事館。
裹面會不定時有不同show。
近來做的是雲門舞集的展覽。
展示雲門舞集之前大火燒剩的物品。可惜不能拍照。
另外呢，有另一個裝置藝術。
大風扇+假花瓣。好美。

好啦，行完之後來就到期待已久的英式high tea。 點知已經sold out。
只好要個蘋果千層蛋糕。 幾好樣，不過唔好食的。


再之後，去埋美麗華百貨。
但沒有點行，反而去了行家樂福-_-"
最後仲食左豪大大雞扒，兩條友都食唔晒一塊。

又去台灣 Day1

上次去台灣都未夠半年，又跑了去台灣。
今次同Wendy去。

2月14在香港的最後一餐，是美心中菜。



食了三樣野，埋單百六蚊。不過真係好食。

好鍾意呢條帶子腸，可惜唔係好夠汁。


飛機餐，冇影，張相係偷Wendy 既。實在唔係太好食。

飛短途真係好趕，一飛穩就要派餐，食完收埋就差唔多落機。

我們的行李。(注：回程由於太多太累，忘了拍。太約是這裹的兩倍。)


又係住華華，本身係想住好d，可惜book唔到。(張相都係偷Wendy的)


去旅行最忌病，病左就唯有食多2次藥。

台北第一站，老董牛肉麵。


清燉牛肉麵
很好吃的牛肉麵，回來一search才知道是勁野。是牛肉麵比賽冠軍!
但也有人說不好吃，可能我們去的是總店，比較好一點。至於服務呢，我覺得還可以啦。

然後就在西門行街，由於太飽是夜之任食火煱
買了老蔡生煎包當晚餐。
康是美說是最後一天$459三盒美麗日記。於是買了好多。結果當然，第二日仍在減價。