近又とんかつ

近來好似間吉列專賣店，呢間 近又とんかつ 在朗豪坊 (11F)。好似話係日本正宗(我唔知，我未食過正宗)。在旺角來說應該是中高價($150/人)，所以環境算幾清靜。見openrice個個都媽媽聲，我又唔覺得係咁差囉。服務來說很不錯，服務員有介紹醬汁且都很有禮貌。白飯，椰菜絲任添，仲有支啡色salad sauce(好似係蘋果+洋蔥)好好味。下次要去銅鑼灣果間比較一下。



燈，見佢幾靚咪影下。

吉列和牛漢堡(Sorry個Focus好怪)，最麻麻係呢個，可能和牛做漢堡仲要吉列係錯錯地。

吉列蝦及蠔，呢個我無食，相信唔係太差。

吉列黑豚，幾鬆，都ok。


芝士千層吉列黑豚，呢個幾特別，真係見到佢一層層，幾鬆。

講男講女

本集《星期日檔案》播出後，明顯網絡上的男人都很憤怒。無他，本集TVB實在做得太差。不能作核心討論又沒有重點。

首先，電車男同港男係兩個概念，你不要跟我偷換。其次，根本就數來數去都數不出港男的缺點。由到到尾只是以一個電車男作自白，其間加插高質素港女看法與陶傑抽水。重點到底嚮邊？電車固然係港男其中一個特點，但係電車男全世界到有，港男點解係港男的討論全集一句都無。

本來港男港女是很好的社會討論題材，港男港女根本就是一個社會形態的問題，討論既重點根本應該係社會問題，全世界都有毒男港女，點解香港既問題特別明顯？關於本地獨有的社會文化、家庭教育背景，一眾blog友都分析了很多，在此就就不多談了。

但有一點很值得討論——自信心。毒男固然是自信心不足以致日常生活無法與人正常溝通，但我認為大部份港女同樣是因自信心不足才出現拜金(其實是拜LV)行為。講到尾都是人有我有的心態，為求與"普通人"一樣。如果同"普通人"不一樣呢，自我感覺就好像是怪人/毒女一樣抬不起頭。至於為甚麼要識有錢男朋友呢？首要原因當然是阿媽教落。其次就是為了與"普通人"不一樣。當人人都有LV，一些自以為不平凡的人就開始要搵另一樣東西來炫耀。曬命，有乜野好得過一個又靚仔又有錢既男朋友。

講到尾，港女其實在追求物質以彌補內在自信心不足。而毒男呢，由於傳統性別角色影響，男人以有錢財權力地位為優。因此，他們無法像港女一樣追求名牌及伴侶以增加自信，久而久之唯有摺埋。